ចូលរួមសោកស្ដាយ! ជាតារាសម្ដែង និងជាអ្នកនិពន្ធវ័យក្មេង បែរជាត្រូវទទួលមរណភាពលឿនបែបនេះ ដោយសារតែ…
តារាសម្តែងនិងអ្នកនិពន្ធរូបសង្ហាលោក ហង្ស អច្ឆរិយា បានទទួលមរណភាពហើយបន្ទាប់ពីធ្លាក់ខ្លួនឈឺធ្ងន់និងបានរកឃើញឆ្លងជំងឺកូវីដ-១៩ផងនោះ។ ដំណឹងនៃមរណ:ទុក្ខដ៏សោកសៅ និងក្រៀមក្រំបំផុតសម្រាប់ក្រុមគ្រួសារតារាប្រុសរូបនេះបានធ្វើឲ្យមហាជន និងអ្នកសិល្ប:ជាច្រើនបានសម្តែងការសោកស្តាយជាពន់ពេក ព្រមជាមួយការផ្ញើសារចូលរួមរំលែកទុក្ខនេះផងដែរ។ នៅលើគណនីហ្វេសប៊ុកឈ្មោះPu Smey បានរៀបរាប់ទាំងក្តុកក្តួលដូច្នេះថា សឹងមិនជឿទេបងអើយថាលឿនយ៉ាងនេះ ណាត់គ្នាថតរូបម្តងទៀតមិនទាន់បានថតផងបងថាមិនហ៊ានចេញខ្លាចកូវីដមើលទៅបងប្រយ័ត្នខ្លាំងតែក៏មកជួបវាទៀត ។ ប្រភពបន្តថា នេះជាការបាត់បង់តារាសម្តែងប្រុសពោរពេញដោយទេពកោសល្យ,អ្នកនិពន្ធតារាម៉ូដែលប្រុសសិចស៊ី។បងមានក្តីប្រាថ្នាច្រើនមិនគួរណាបងទៅលឿនយ៉ាងនេះ សូមបួងសួងអោយជាតិណាៗបងជួបតែរឿងល្អៗ។ ដោយឡែកបើតាមការបញ្ជាក់ប្អូនប្រុសរបស់លោក គឺលោក ហង្ស វិទូ បានឲ្យដឹងថា តារាសម្តែង ហង្ស អច្ឆរិយា បានទទួលមរណភាពដោយសារជំងឺកូ វីដ-១៩នៅមន្ទីរពេទ្យខេត្តបាត់ដំបង។ លោកថា បងប្រុសខ្លួនក៏មានជំងឺប្រចាំកាយដូចជា ក្រពះ ពោះវៀន និងសួតប៉ុន្តែក្រោយមកក៏ឆ្លងកូវីដ-១៩ធ្ងន់ធ្ងរទៀតទើបមិនអាចជួយសង្គ្រោះបានឡើយ៕
Continue Reading
