បើកក្រឡេកទៅមើលវិស័យចម្រៀងកាលពីខ្ទង់ឆ្នាំ ១៩៩០ ដល់ ឆ្នាំ ១៩៩៥ មហាជនអ្នកគាំទ្រប្រាកដជាបានស្គាល់មកហើយនូវតារាចម្រៀងក្រមិចក្រមើម និង សិចស៊ី បងប្អូនត្រកូល «ប៊ូ» គឺ អ្នកនាង ប៊ូ មុន្នីនាថ និង ប៊ូ មុន្នីរ័ត្ន ។
ក្រោយពីសាងកេរ្តិ៍ឈ្មោះយ៉ាងខ្លាំងហើយ តារាចម្រៀងបងប្អូនស្រីស្អាតត្រកូល «ប៊ូ» ខាងលើនេះ បានបាត់មុខឈឹងលើវិថីសិល្បៈតែម្តង ពោលគឺបើគិតមកដល់ពេលនេះប្រមាណជាជាង ២០ ឆ្នាំមកហើយ ។
យ៉ាងណាមិញ ក្រោយពីបាត់មុខលើវិស័យសិល្បៈនោះ អ្នកនាង ប៊ូ មុន្នីនាថ និង ប៊ូ មុន្នីរ័ត្ន ត្រូវបានមហាជនអ្នកគាំទ្ររបស់ខ្លួន មានការនឹករឮកដល់បងប្អូនទាំងពីរនាក់ខាងលើយ៉ាងខ្លាំង ។ ដូច្នេះថ្ងៃនេះ «ប្រជាប្រិយ» នឹងលើកយកនូវរឿងរ៉ាវឯកជនរបស់អតីតតារាចម្រៀង ២ រូបមកជម្រាបជូនលោកអ្នកខាងក្រោមនេះ ៖
១- ប៊ូ មុន្នីនាថ
អតីតតារាចម្រៀង ប៊ូ មុន្នីនាថ បានបាត់មុខលើវិថីសិល្បៈអស់រយៈពេលប្រមាណជាជាង ២០ ឆ្នាំមកហើយ ។ ក្នុងនោះដែរ គេបានដឹងថាបច្ចុប្បន្នតារាស្រីរូបនេះ មានងារជាជំទាវក្រោយពីមានស្វាមីជាមន្ត្រីក្នុងជួររដ្ឋាភិបាល ។ បច្ចុប្បន្នអតីតតារាចម្រៀង ប៊ូ មុន្នីនាថ មានកូនស្រី ១ រូប ហើយលោកជំទាវ ក៏មានអាជីវកម្មនៅក្នុងដៃជាច្រើនផងដែរ ។
២- ប៊ូ មុន្នីរ័ត្ន
អតីតតារាចម្រៀង ប៊ូ មុន្នីរ័ត្ន ក៏បានបាត់មុខលើវិថីសិល្បៈស្របគ្នាជាមួយនឹងបងស្រីដូចគ្នាដែរ ។ បច្ចុប្បន្ន អតីតតារាចម្រៀង ប៊ូ មុន្នីរ័ត្ន មានកូនស្រី ១ នាក់ និង ប្រុស ២ នាក់ ដែលស្វាមីរបស់អ្នកនាងគឺជាអ្នកធ្វើការមួយរូប ។ បច្ចុប្បន្ន អ្នកនាង ប៊ូ មុន្នីរ័ត្ន ក៏មានអាជីវកម្មក្នុងដៃដូចគ្នា ដែលគេបានដឹងថាអ្នកនាងរកស៊ីផ្នែកអចលនទ្រព្យ ៕ អត្ថបទ៖ ប្រជាប្រិយ
0
0
20
20
