ភ្នំពេញ៖ ហាក់បីដូចទើបតែថ្ងៃមុនសោះ ដែលកំពូលតារាចម្រៀង ឱក សុគន្ធកញ្ញា និង លោក អឹម សុខលី កាន់ដៃគ្នាចូលរោងការតាមប្រពៃណី សាងគ្រួសារមួយពោរពេញដោយភាពកក់ក្តៅ ដោយកាលនោះគេនៅចាំបានថា មង្គលការរបស់កំពូលតារាចម្រៀង និង ប្អូនប្រុសថៅកែហង្សមាសរូបនេះ ប្រារព្ធឡើងអធិកអធមសម្បើមណាស់។
ក្រោយរៀបការមិនយូរប៉ុន្មាន ឱក សុគន្ធកញ្ញា បានសម្រាលកូនប្រុសដ៏ឆ្លាត និង គួរឱ្យស្រឡាញ់ម្នាក់ឈ្មោះ អ៊ឹង បញ្ញាបុត្រ ដែលបច្ចុប្បន្ន កំលោះតូចរូបនេះ ធំធាត់ឡើងពោរពេញដោយភាពឆ្លាតវៃ មុខមាត់សង្ហាគួរឱ្យក្នាញ់ ។
រូបភាពគួរឱ្យស្រឡាញ់ជាច្រើនសន្លឹកស្ដែងចេញពីសុភមង្គល និង ភាពកក់ក្ដៅយ៉ាងពេញទំហឹងរបស់គ្រួសារកំពូលតារាចម្រៀង ឱក សុគន្ធកញ្ញា ដែលមានប៉ា ម៉ាក់ និង កូនប្រុស ធ្វើឱ្យអ្នកគាំទ្រជាច្រើនស្ញប់ស្ញែងសេចក្ដីសុខពួកគេយ៉ាងខ្លាំង ។
ដោយឡែក កាលពីថ្ងៃទី០៦ ខែមិថុនា ឆ្នាំ២០២១ នេះ គេបានឃើញអ្នកនាង ឱក សុគន្ធកញ្ញា និង ស្វាមី បាននាំ កូនប្រុសសំណព្វចិត្ត ទៅលំហែលកាយកន្លែងមួយទៀតហើយ ដែលកន្លែងនោះជាស្រុកកំណើតរបស់ ប៉ាៗ ឆលី តែម្តង ឃើញទេសភាពស្អាតពេក ក៏ដាក់ប៉ុន្មានប៉ុស្តិ៍ មើលទៅទាក់ភ្នែកណាស់។
ក្នុងនោះដែរ សុគន្ធកញ្ញា ក៏បានភ្ជាប់សារមួយនេះថា៖ “ថ្ងៃនេះបានមកដល់ទឹកដីកំណើតរបស់ Daddy ភូមិសុក្រុំជ្រុំ ស្រុកអូររាំងឪ ខេត្តកំពង់ចាមពីមុន ឥឡូវខេត្តត្បូងឃ្មុំ”៕ ប្រិយមិត្តចង់ដឹងកាន់តែច្បាស់នោះសូមទស្សនារូបភាពខាងក្រោមនេះ។
0
0
20
20
