ជាការពិតណាស់សម្រស់ ជាផ្នែកមួយនៃភាពទាក់ទាញរបស់នារីៗ ជាពិសេសគឺ សិល្បការិនីតែម្តង ដែលពួកគេរមែងត្រូវតែថែរក្សាចំណុចនេះបំផុត ដើម្បីទទួលបានប្រជាប្រិយភាពលើវិស័យសិល្បៈ និង ការងារផ្សេងៗរបស់ខ្លួនក្នុងនាមជាតារា ។
ក្នុងនោះដែរ បើក្រឡេកទៅមើលតារាស្រីជាច្រើន ដែលបានរៀបការ និង សម្រាលកូនហើយនោះ ក៏កាន់តែត្រូវថែរក្សា និង រកវិធីសាស្ត្រនានាជាច្រើនដើម្បីយករាងដ៏ស្រស់ស្អាតរបស់ពួកគេត្រលប់មកដូចដើមវិញ ដោយខ្លះទទួលបានជោគជ័យរយៈពេលខ្លី ហើយខ្លះទៀតហាក់ព្យាយាមយូរបន្តិច ។
ខាងក្រោមនេះ គឺជាតារាស្រីចំនួន ៥ ដួង បើទោះជាមានកូនរួចហើយក្តី ប៉ុន្តែក្រឡេកមើលរាងរបស់ពួកគេ គឺពិតជាស្លីមក្បាលពោះរាបស្មើ ចង្កេះមួយក្តាប់ ដោយមើលទៅពិតជាមិនចាញ់អ្នកនៅលីវនោះឡើយ ៖
១- គង់ ចាន់ស្រីមុំ
តារាសម្តែង គង់ ចាន់ស្រីមុំ មកទល់ពេលនេះមានកូនស្រី MOMO របស់នាងមានអាយុជាង ២ ឆ្នាំមកហើយ ប៉ុន្តែបើក្រឡេកទៅមើលរាងរបស់នាងវិញ គឺហាក់មើលមិនដឹងសោះថានាងមានកូនហើយនោះ ពោលគឺនៅតែស្រស់ស្អាត និង ទាក់ទាញដដែល ។
២- ពេជ្រ សូលីកា
តារាចម្រៀង ពេជ្រ សូលីកា បើទោះជាសម្រាលកូនប្រុសភ្លាមៗហាក់ឡើងគីឡូបន្តិចមែន ប៉ុន្តែមិនយូរប៉ុន្មានផងតារាស្រីរូបនេះបានយករាងដូចដើមត្រលប់មកវិញ ហើយកាន់តែស្រស់ស្អាតជាងមុនទៅទៀត ។
៣- ទូច ស្រីលក្ខណ៍
តារាចម្រៀងរៀមច្បង ទូច ស្រីលក្ខណ៍ បើទោះជាមានអាយុជ្រេបន្តិច និង មានកូនប្រុសធំបន្តិចហើយក្តី ប៉ុន្តែអ្នកម្តាយរូបនេះ គឺមានរាងពិតជាទាក់ទាញយ៉ាងខ្លាំង ក៏ព្រោះតែនាងហាត់ប្រាណជារៀងរាល់ ។
៤- ប្រាសាទ ដាវីន
តារាម៉ូដែល ប្រាសាទ ដាវីន ត្រូវបានគេស្គាល់ថាជាតារាស្រីមានរូបរាងស្លីមស្អាតតាំងពីនៅលីវមកម្ល៉េះ ប៉ុន្តែទោះពេលដែលនាងមានស្វាមី និង សម្រាលកូនហើយក្តី ប្រាសាទ ដាវីន នៅតែអាចថែរក្សារាងរបស់ខ្លួនបានដូចដើម ។
៥- សិទ្ធី នីកា
តារាសម្តែង សិទ្ធី នីកា ក៏មិនខុសគ្នាពីតារាស្រីទាំង ៤ ខាងលើដែរ ក្រោយពីសម្រាលកូនរួច តារាស្រីរូបនេះហាក់កាន់តែថែរក្សារាងរបស់ខ្លួនបានស្អាតស្លីមជាងមុនទៅទៀត ពោលគឺក្បាលពោះរបស់នាងរាបស្មើហាក់មិនដឹងថាធ្លាប់ពពោះនោះឡើយ ៕
0
0
20
20
