បើយោងតាមប្រសាសន៍របស់ សម្ដេច តេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅក្នុងពិធីប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ១៩ ជុំទី១ សម្រាប់ក្រុមកុមារអាយុ៦ឆ្នាំឡើង បានឲ្យដឹងថារដ្ឋាភិបាលមិនបានហាមមិនឲ្យបងប្អូនពលរដ្ឋយើងរៀបរៀបចំពិធីអាពាហ៍ពិពាហ៍នោះទេ។
សម្ដេច ហ៊ុន សែន បានមានប្រសាសន៍ថា រាជរដ្ឋាភិបាល មិនបានហាមឃាត់មិនឱ្យបងប្អូនប្រជាពលរដ្ឋយើង រៀបចំពិធីអាពាហ៍ពិពាហ៍នោះទេ ប៉ុន្ដែកុំរៀបចំអ៊ូអរពេក ហើយក៏មិនឲ្យរៀបចំកម្មវិធីជួបជុំលក្ខណ:ទ្រង់ទ្រាយធំ និងត្រូវតែគោរពតាមវិធានសុខាភិបាលតែប៉ុណ្ណោះ។
សម្ដេចក៏បានសូមបញ្ជាក់ថាផងដែរថា អ្នករៀបអាពាហ៍ពិពាហ៍ និងហើយចង់បានបុត្រ គួរតែទៅចាក់វ៉ាក់សាំងឱ្យបានមុនសិន ដើម្បីបង្ការការឆ្លងនៃជំងឺកូវីដ-១៩។
គួរបញ្ជាក់ផងដែរនៅព្រឹកថ្ងៃទី១ ខែវិច្ឆកា ឆ្នាំ២០២១នេះ សម្ដេច តេជោ ហ៊ុន សែនបានប្រកាសបើកប្រទេសលើគ្រប់វិស័យ ឡើងវិញ ចាប់ពីថ្ងៃច័ន្ទ ខែវិច្ឆិកា ឆ្នាំ២០២១នេះ និងអំពាវនាវដល់ប្រជាពលរដ្ឋ ឱ្យរៀនរស់នៅជាមួយកូវីដ-១៩ តាមបែបគន្លងថ្មី កម្ពុជាយើងបានចាក់វ៉ាក់សាំងការពារកូវីដ-១៩ បាន១០លាន៨៨នាក់រួចហើយ គឺស្មើនឹងជាង១០០% នៃប្រជាពលរដ្ឋ១០លាននាក់ដែលត្រូវចាក់វ៉ាក់សាំង។
ប្រភព៖ Business Cambodia
0
0
20
20
