កាលពីពេលកន្លងមក មហាជនប្រាកដជាបានដឹងមកហើយនូវដំណឹងរបស់តារាសម្តែងជើងចាស់លោកស្រី ណយ សំណាង ហៅ យាយណាង បានរកឃើញឆ្លងជំងឺកូ វី ដ-១៩ កាលពីថ្ងៃទី ១៤ ខែឧសភា ឆ្នាំ ២០២១ ។
ក្រោយមករយៈប្រមាណជាកន្លះខែ យាយណាង ក៏បានជាសះស្បើយត្រលប់ទៅផ្ទះវិញ កាលពីថ្ងៃទី ២៩ ខែឧសភា ឆ្នាំ ២០២១ កន្លងទៅនេះ ។
ក្រោយជាសះស្បើយពីជំងឺខាងលើហើយនោះ កូនប្រុសរបស់លោកយាយ ណាង ដែលគេស្គាល់ថាជាតារាចម្រៀង វណ្ណា ស័ក្ត ក៏តែងតែបង្ហាញពីស្ថានភាពសុខភាពរបស់អ្នកម្តាយប្រាប់ដល់អ្នកគាំទ្រជារឿយៗផងដែរ
នៅលើបណ្តាញសង្គមហ្វេសប៊ុក ដោយលោកបានឱ្យដឹងថាពេលនេះ សុខភាពរបស់លោកយាយបានប្រសើរជាងមុនហើយ ដោយយាយ ណាង ហូបបានសម្រាកបានជាងមុន ។
យ៉ាងណាមិញ ស្រាប់តែថ្មីៗកន្លងទៅនេះ លោក វណ្ណា ស័ក្ត កូនប្រុសតារាកំប្លែងជើងចាស់ខាងលើនេះ បានបង្ហាញការព្រួយបារម្ភពីសុខភាពរបស់យាយ ណាង ផ្នែកមួយ បើទោះជាលោកយាយ មានសុខភាពប្រសើរឡើងជាមុនក្តី ។ លោក វណ្ណា ស័ក្ត បានឱ្យដឹងថាពេលនេះ លោកយាយ ណាង ទោះហូបបានជាងមុន ប៉ុន្តែលោកយាយហាក់និយាយស្តីមិនសូវច្បាស់ដូចមុនសោះ ៕
0
0
20
20
