លោកតា សាឡាត់ វរសិល្បករអាយ៉ៃជេីងចាស់នៃកម្ពុជាបានទទួលមរណភាមុននេះបន្តិច។ នេះបើតាមទំព័រហ្វេសបុកក្រុមព្រះសុរិយា ចេញផ្សាយមុននេះ។
ប្រភពដដែលបានឱ្យដឹងថា ដំណឹងដ៏គួរឱ្យសោកស្តាយក្រៃលែង ដែលក្រុមព្រះសុរិយាបានទទួលព័ត៌មានមកថា លោកព្រឹទ្ធាចារ្យ ម៉ក់ កាណេន ហៅលោកតា សាឡាត់ សិល្បករផ្នែកអាយ៉ៃដ៏ល្បីល្បាញមួយរូបនៃកម្ពុជាបានទទួលមរណភាពនៅព្រឹកថ្ងៃទី១៨ ខែមិថុនា ឆ្នាំ២០២១នេះ ដោយរោគាពាធ ក្នុងជន្មាយុ៧៤ឆ្នាំ នៅគេហដ្ឋានរបស់លោក ក្នុងរាជធានីភ្នំពេញ។
នេះជាដំណឹងដ៏សែនសោកស្តាយក្រៃលែងនៃការបាត់បង់ធនធានមនុស្សដ៏សំខាន់មួយរូបទៀតហេីយលេីផ្នែកសិល្បៈអាយ៉ៃ។ លោកព្រឹទ្ធាចារ្យសាឡាត់ បានបំរេីវិស័យសិល្បៈតាំងពីសម័យសង្គមរាស្រ្តនិយម រហូតដល់បច្ចុប្បន្ន។
ក្រុមព្រះសុរិយាទាំងមូលសូមឧទ្ទិសដល់វិញ្ញាណក្ខន្ធលោកព្រឹទ្ធាចារ្យអញ្ជេីញទៅកាន់សុគតិភាពកុំបីឃ្លាងឃ្លាតឡេីយ៕
0
0
20
20
