ចិន៖ មានរឿងមួយដ៏គួរឲ្យសង្វេកដែលបានកើតឡើងនៅក្នុងប្រទេសចិន ដែលកសិករម្នាក់ដែលជាឳពុកបានជីកផ្នូរមួយសម្រាប់គេងជាមួយកូនស្រីជារៀងរាល់ថ្ងៃ ដើម្បីកំដរអារម្មណ៍របស់កូនស្រីក្នុងជីវិតចុងក្រោយរបស់នាង ដោយអស់លទ្ធិភាពក្នុងការព្យាបាលជំងឺរបស់នាង។ លោក Zhang Liyong គឺជាកសិកររស់នៅក្នុងខេត្តស៊ីឈួន នៃប្រទេសចិន។
លោកមានកូនស្រីតូចដ៏គួរឲ្យស្រលាញ់ម្នាក់ឈ្មោះ Xinlei បច្ចុប្បន្ននាងមានអាយុ២ឆ្នាំហើយ។
កុមារី Xinlei កើតមកទទួលរងភាពអយុ-តិធម៌ពីធម្មជាតិ ដោយកើតមានជំ-ងឺដ៏កា-ចសា-ហាវ និងគួរឲ្យព្រួយបារម្ភតាំងពីកំណើត ត្រូវបានក្រុមគ្រូពេទ្យធ្វើរោគវិនិច្ឆ័យរកឃើញថានាងមានបញ្ហាជំងឺកោសិកាឈាមក្រហមធ្ងន់ធ្ងរ ដែលនឹងឈានដល់មហារីកគ្រាប់ឈាមថែមទៀតផង ឬហៅថា «Thalassemia» ប្រសិនណាបើមិនស្វះស្វែងការព្យាបាលឲ្យបានដិតដល់។
នេះបើបានប្រភពមួយជាក់លាក់បានប្រាប់ឲ្យដឹងថា កន្លងមកនេះ លោក Zhang និងគ្រួសារបានចំណាយលុយអស់ប្រហែល ១៤,៧២៩ដុល្លារអាមេរិកមកហើយសម្រាប់ថ្លៃព្យាបាលលើកូនស្រី ខណៈបច្ចុប្បន្នគ្រួសាររបស់លោក កំពុងជួបវិបត្តិហិរញ្ញវត្ថុ គ្មានលទ្ធភាពបន្តជួយព្យាបាលជំងឺកូនស្រីជាទីស្រលាញ់បានទៀតទេ។ លោក Zhang បាននិយាយថា គ្រួសាររបស់លោកបានដើរបុលខ្ចីលុយគេជុំទិស ហើយឥលូវគេក៏លែងឲ្យខ្ចីទៀតដែរ។
នៅទីបំផុត លោក និងភរិយាឈ្មោះ Deng Min ក៏បានសម្រេចចិត្តជីករណ្តៅធ្វើជាផ្នូរមួយជាស្រេច ដើម្បីទុកគេងលេងជាមួយនឹងកូនស្រីរបស់ខ្លួន ដើម្បីផ្តល់ភាពកក់ក្តៅ កំដរជី-វិតចុងក្រោយ បង្កើតការចងចាំដ៏ល្អបំផុតមួយសម្រាប់នាងបែបនេះតែម្តងទៅ។
«មានតែធ្វើអ៊ីចឹងទេ នាំនាងមកលេងនៅកន្លែងមួយនេះជារៀងរាល់ថ្ងៃ ព្រោះនេះគឺជាកន្លែងដ៏ស្ងប់សុខមួយហើយសម្រាប់នាង»។ នេះតាមសម្តីលោក Zhang បានលើកឡើង។ តាមរយៈរូបភាព និងវីដេអូឃ្លីប ជាមួយនឹងការរៀបរាប់ដ៏កំសត់មួយនេះ បានធ្វើឲ្យអ្នកនិយមលេងអ៊ីនធើណែតជាច្រើន កើតក្តីអាណិតអាសូរ និងខ្លោចចិត្តយ៉ាងខ្លាំងនូវអ្វីដែលបានកើតឡើង មកលើក្មេងស្រីដ៏គួរឲ្យអភ័ព្វនេះ៕
0
0
20
20
