ថ្មីៗនេះ ផ្ទុះការភ្ញាក់ផ្អើលជាថ្មីពេញបណ្តាញសង្គម ក្រោយហ្វេសប៊ុករបស់តារាស្រី Tangmo ចាប់ផ្តើមសកម្មឡើងវិញ ដោយបង្ហោះរូបភាព ជាមួយសារថ្មីៗជាច្រើន សុទ្ធសឹងជារូបភាពដែលមហាជនមិនធ្លាប់បានឃើញពីមុន។
មកទល់ពេលនេះ មិនទាន់មាននរណាម្នាក់ដឹងនោះឡើយថាអ្នកណាជាអ្នកនៅពីក្រោយ និង កាន់គណនីរបស់ Tangmo ដោយមហាជនភាគច្រើនហាក់ចាប់អារម្មណ៍លើភស្តុតាងរូបភាពដែលទើបបែកធ្លាយច្រើនជាងវែកមុខអ្នកកាន់កាប់។
ក្នុងនោះ Anna ដែលជាមិត្តភក្តិរបស់ Tangmo ក៏ហាក់នៅស្ងៀមឱបដៃឈរមើល មិននិយាយអ្វីមិនកើតនោះដែរ ដោយទម្លាយបែបនេះថា ៖ «មិនថាជាអ្នកណា ដែលកំពុងប្រើហ្វេសប៊ុក Tangmo តែខ្ញុំសុំឱ្យបញ្ឈប់ ប្រសិនបើយកឈ្មោះនាងមកប្រើនៅក្នុងផ្លូវមិនល្អ បើមានភស្តុតាង ចង់បង្ហោះអ្វីក៏បង្ហោះចុះ តែកុំប្រើឈ្មោះ Tangmo មកធ្វើអ្វីផ្តេសផ្តាស ជាពិសេសឆាតទៅ Hippo ឆាតទៅ Bird ថាមិនទាន់ស្លាប់ កុំលេងសើចបែបនេះ ខ្ញុំគាំង ភាំងគិតមិនចេញទេ បែបនេះមិនគួរឱ្យចូលចិត្តឡើយ»។
Anna ក៏បានបញ្ជាក់បន្ថែមថា ៖ «Anna ផ្ទាល់គឺមិនមែនជាអ្នកធ្វើរឿងនេះឡើយ ដោយបច្ចុប្បន្ននាងកំពុងធ្វើដំណើរកម្សាន្ត នៅប្រទេសម៉ិកស៊ិក គឺមិននៅប្រទេសថៃទេ ហេតុដូចនេះច្បាស់ណាស់ថាមិនមែនជានាង»៕ ប្រភព៖ ប្រជប្រិយ
0
0
20
20
