បើនិយាយអំពីសេដ្ឋីល្បីៗនៅប្រទេសកម្ពុជាដែលមានមុខជំនួញច្រើន និងមានទ្រព្យសម្បត្តិយ៉ាងស្ដុកស្ដម្ភនោះ គេកម្រភ្លេចឈ្មោះឯកឧត្ដមបណ្ឌិតឧកញ៉ា ម៉ុង ឫទ្ធី ណាស់មានឈ្មោះល្បីល្បាញជាសេដ្ឋីវាល់លានដុល្លារផ្នែកកសិឧស្សាហកម្មដ៏ធំបំផុត ។
យ៉ាងណាមិញបើគេនិយាយអំពីភរិយារបស់លោកឧកញ៉ាទៀត គឺកាន់តែគួរឱ្យចាប់អារម្មណ៍ថែមទៀត ។ ជាភរិយាសេដ្ឋីមានជំនួញច្រើនក្នុងដៃមែន តែលោកជំទាវ ម៉ែន ស៊ុន ម៉ុង ឫទ្ធី មិនដែលចេះនៅទំនេរឡើយ ជារៀងរាល់ថ្ងៃលោកជំទាវតែងធ្វើកិច្ចការរបស់ស្ត្រីមេផ្ទះគ្រប់មុខ ពិសេសលោកជំទាវល្បីបំផុត រឿងប្រហុក ផ្អក ម៉ាំ ដែលមានរសជាតិឈ្ងុយឆ្ងាញ់ ។
ស្នាដៃធ្វើប្រហុក ផ្អក ជ្រក់ ត្រី ងៀត របស់ភរិយាឧកញ៉ា ម៉ុង ឫទ្ធី ទទួលការសរសើរថាមានឱជារសឈ្ងុយឆ្ងាញ់ ពីសំណាក់ភ្ញៀវដែលអញ្ជើញទៅដល់លំនៅដ្ឋានរបស់លោកជំទាវ និងស្វាមី នៅតំបន់កែវផុស ។
ដោយសារល្បីពីមាត់ទៅមាត់មួយថាលោកជំទាវពូកែធ្វើប្រហុកផ្អកឆ្ងាញ់នោះ រហូតមានការសំណូមពរឱ្យធ្វើលក់ដើម្បីឱ្យបងប្អូនខ្មែរបានពិសារស្នាដៃរបស់លោកជំទាវ ម៉ែន ស៊ុន ម៉ុង ឫទ្ធី ។
តាមការបង្ហាញរបស់ឯកឧត្ដមបណ្ឌិតឧកញ៉ា ម៉ុង ឫទ្ធី ភរិយារបស់លោកបានធ្វើប្រហុករាប់តោនឯណោះស្តុកទុកក្នុងឃ្លាំងដើម្បីទទួលភ្ញៀវជាន់ខ្ពស់របស់ស្វាមី និងទុកសម្រាប់ជប់លឿងជូនកម្មករ
ដែលចង់ហូបម្ហូបខ្មែរ ។កាន់តែគួរឱ្យសរសើរនោះពេលមានភ្ញៀវសំខាន់ៗទៅលេងម្ដងៗ លោកជំទាវតែងចូលផ្ទះបាយធ្វើម្ហូបដោយផ្ទាល់ដៃតែម្ដង បើទោះបីជាមានចុងភៅប្រចាំផ្ទះក៏ដោយ ៕
0
0
20
20
