ពិតណាស់ នាយប្រុញ ត្រូវមហាជនភាគច្រើនស្គាល់ តាមរយៈវីដេអូ ដែលគេបង្ហោះលើបណ្តាញសង្គម Youtube តែក្រោយមក ដោយសារសម្លឹងឃើញសមត្ថភាព កំប្លែងស្ងួតរបស់ក្មេងប្រុសរូបនេះ រូបលោកក៏ត្រូវ ឧកញ៉ាម្នាក់យកទៅចិញ្ចឹម ចាត់ទុកជាសមាជិកគ្រួសារ ហើយក៏ជួយថតវីដេអូផ្សព្វផ្សាយពីផលិតផលឲ្យគ្រួសារលោកឧកញ៉ា។
ផ្ទុយទៅវិញ ស្រាប់តែថ្មីៗនេះ ផ្ទុះការភ្ញាក់ផ្អើលខ្លាំង ក្រោយពេលអ្នកម្តាយ និងក្មេងប្រុសរូបនេះ បង្ហើបថា ខ្លួនមិនបានទទួលប្រាក់ចំណូលពីការថតវីដេអូទាំងនោះឡើយ ដែលកន្លងមក រូបលោកទទួលបានត្រឹមតែប្រាក់ខែមួយខែដំបូង តែប៉ុណ្ណោះ ដែលធ្វើឲ្យមហាជន ហាក់ផ្ទុះការងើងឆ្ងល់ជាខ្លាំង ថាតើ នាយប្រុញនិង អ្នកម្តាយ និយាយពាក្យពិតឬក៏យ៉ាងណា?
កាលពីថ្ងៃទី ២៤ ខែមេសា ឆ្នាំ ២០២២ លោក យឹម តាស្រង់ បានបង្ហោះសារមួយថា “ក្មួយប្រុញមកជួបខ្ញុំ ខ្ញុំផ្តល់ប្រាក់ខែ ១ខែ $1000 ថតតែ១០ថ្ងៃទេ ក្នុង១ខែ អាចបើក $6000 ស្មើ កន្លះឆ្នាំមុន កន្លែងស្នាក់នៅ ខ្ញុំរៀបចំជូន
បញ្ជាក់៖ ព្រោះក្តីអាណិត ស្រឡាញ់ ពីចិត្តផ្ទាល់ខ្លួន របស់ខ្ញុំ គ្មានបំណងឌឺដង ឬបំណងមិនល្អ លើបងប្អូនណាឡើយ ដោយសេចក្តីគោរពពីយឹម តាស្រង់ សូមទាក់ទងមកជំនួយការខ្ញុំ 016354995″។
0
0
20
20
