ជាការពិតណាស់ដែលមាននារីគ្រប់រូប មិនចូលចិត្តឡើយ រឿងស្វាមីចូល KTV ផឹកស៊ី កុំថាឡើយដល់យប់ជ្រៅ ត្រឹម ២ម៉ោង ក៏ខឹងដាច់ក្បាលកន្ទុយបាត់ទៅហើយ។ ប៉ុន្តែនារីម្នាក់ បែរជាបង្ហោះសាររំភើបចិត្ត សរសើរប្ដីរបស់ខ្លួន បន្ទាប់ពីចូល KTV រហូតដល់ម៉ោង ១២យប់ បន្ទាប់ពីបុរសជាប្ដី បានផ្ដល់កាដូដ៏ភ្ញាក់ផ្អើល នឹកស្មានមិនដល់ ទាំងកណ្ដាលអាធ្រាត្រ។
បើតាមការបង្ហោះរបស់នារីជាប្រពន្ធ ដែលមានគណនី Facebook ឈ្មោះ Leang Hong បានរៀបរាប់ថា ដំបូងឡើយ ពីល្ងាចប្ដីរបស់ខ្លួនបានណាត់ត្រឹមត្រូវ ដើម្បីចេញទៅក្រៅជាមួយគ្នា។ ប៉ុន្តែដល់ពេលទូរសព្ទទៅសួរ បែរជាប្រាប់ថាញាំអីជុំគ្នានៅ KTV ជាមួយមិត្តភ័ក្ដិ។ ជាក់ស្ដែងប្រពន្ធ បានប្រាប់វិញថា មិនអីទេ រួចក៏ដើរផ្សារជាមួយប្អូនថ្លៃ ដើម្បីទិញវ៉ាន់ និងចេញទៅផ្ទះមុនប្ដី ដែលកំពុងផឹកស៊ីនោះ។ពេលដល់ផ្ទះវិញ ប្រពន្ធបានរៀបចំផ្ទះសព្វកន្លែងពីលើដល់ក្រោម រួចក្រឡេកមើលម៉ោង ស្រាប់តែឃើញទ្រនិចនាឡិកាចង្អុលម៉ោងជិត ១២បាត់។ ពេលនោះ ឡានប្ដីបានមកដល់ផ្ទះ ហើយពេលបើកទ្វាទទួល ធុំក្លិនស្រាពេញខ្លួន។
គ្រាន់តែឃើញមុខភ្លាម ប្ដីបានចូលមកថើបប្រពន្ធ រួចក៏ហុចថង់ហាងពេជ្រ ដែលមានក្រវិល និងកងដៃ សរុបជាទឹកប្រាក់ប្រហែលជាជាង មួយម៉ឺនដុល្លារ។ឃើញបែបនេះ អ្នកនាង Leang Hong រំភើបចិត្តណាស់ ព្រោះមិននឹកស្មានថា ប្ដីបានរៀបចំគម្រោងការណ៍យ៉ាងពិសេស មិននឹកស្មានដល់ ដែលធ្វើឱ្យនាងភ្ញាក់ផ្អើលយ៉ាងខ្លាំង រហូតដល់គេងមិនលក់។
ប្រពន្ធដ៏សែនសំណាងរូបនេះ បានបញ្ជាក់ទៀតថា បើប្ដីមកពី KTV ចេះ Sweet បែបនេះ ដឹងតែឱ្យទៅរហូតហើយ មិនឃាំងឃាត់ទេ ព្រោះចេះគិតគូ និងស្រលាញ់ប្រពន្ធរបស់ខ្លួន។ខាងក្រោមនេះ ជាការបង្ហោះរបស់ប្រពន្ធដែលមានឈ្មោះ Leang Hong៖”បងធ្វើឲ្យអូនរំភើប ញ័រដៃញ័រជើងអស់ហើយណាលោកប្តី។ ដោយឡែកពីល្ងាចណាត់ជួបគ្នាត្រឹមត្រូវណាស់ ដល់អូន Callទៅ បងថាបងរវល់ញាំអីជុំគ្នានៅ KTVហើយ។ អូនក៏ថាវិញ មិនអីទេចឹង ចាំអូនបបួលប្អូនថ្លៃ Shopping តនៅផ្សារផេនសលបន្ត។
ហើយអូនទៅផ្ទះមុនក៏បាន ពេលមកដល់ផ្ទះរវល់តែរៀបចំផ្ទះពីលើដល់ក្រោមភ្លេចមើលម៉ោង ម៉ោងជិត១២បាត់ នៅសុខៗក៏លឺសម្លេងឡានប្ដីក៏ទៅបើកទ្វារទទួលប្ដីធម្មតា( ប្តីក្លិនស្រាពេញខ្លួន)។ ចូលមកភ្លាមថើបប្រពន្ធភ្លែត ហើយក៏ហុចថង់ហាងពេជ្រនឹងឲ្យប្រពន្ធភ្លាមៗម៉ង ថង់ទី១ក្រវិល ឃើញហើយអ៎ចង់ងាប់ បេះដូងលោតខុសចង្វាក់អស់ហើយ។មានណាថង់ទី២ស្មានតែរបស់ប្តី តែជាកងដៃប្រពន្ធទៀត Surprise អូនដល់កម៉ងហាន់នីហ៎។
បងស្រលាញ់អូនលើសហើយណាបង។ អរគុណបងសម្រាប់គ្រប់បែប គ្រប់យ៉ាងដែរផ្តល់ឲអូន អរគុណមែនទែនប្តីសម្លាញ់ចិត្ត។ អូនចង់និយាយដដែរៗថា អូនស្រលាញ់ ស្រលាញ់បងបំផុត ស្រលាញ់បងគ្មានថ្ងៃប្រែ ស្រលាញ់បងលើសពីជីវិត ប្ដីតែម្នាក់ ប្ដីល្អរបស់អូន។ រំភើបពេកដល់ថ្នាក់គេងមិនលក់។
ប្តីមកពីKTVចេះSweetចឹងៗដឹងតែឲទៅរហូតហើយ។ អរគុណសម្រាប់អ្នកចូលរួមផ្សំគំនិត Nam Sonita រិទ្ធ សុវណ្ណនីទ្បាង Meas Sothea”។នេះហើយជាសុភមង្គលពិត ក្នុងជីវិតស្នេហា និងគ្រួសារ។ មនុស្សស្រី មិនដែលរករឿង ឬខឹងមនុស្សប្រុសដែលខ្លួនស្រលាញ់ឡើយ បើមនុស្សប្រុសចេះយល់ពីនាង ចេះខ្វល់ពីនាងតែបន្លិចនោះ។ បុរសជាច្រើន ផ្អែមល្ហែម ស្រលាញ់ ខ្វល់ខ្វាយ បានតែដំបូង។ លុះក្លាយជាគ្រួសារ គិតថាលែងបាត់បង់ បែរជាប្ដូរចិត្តលែងសូវខ្វល់ លែងសូវបារម្ភពីនាងដូចពេលចាប់ផ្ដើមស្រលាញ់ដំបូង។នារីភាគច្រើនបំផុត ស្មោះសណាស់ បារម្ភពីមនុស្សដែលខ្លួនស្រលាញ់ណាស់។
នាងប្រើអារម្មណច្រើន ក៏ព្រោះនាងមានបេះដូងដ៏បរិសុទ្ធ ស្រលាញ់ពិត មិនចេះប្រែ ចាប់ផ្ដើមពីសូន្យ ឡើងដល់១០០ រួចក៏នៅតែ ១០០ ពេញជាប់រហូត ខុសពីមនុស្សប្រុស ដែលចាប់ផ្ដើមស្រលាញ់ពី ១០០ ហើយធ្លាក់បន្តបន្ទាប់ រហូតដល់ពេលខ្លះធ្លាក់ដល់សូន្យ ហ៊ានក្បត់រកអ្នកថ្មីមកជំនួស មិនខ្វល់ពីទឹកភ្នែករបស់នាង។ បើបុរសចេះប្រើបេះដូងតែបន្តិច នោះនឹងយល់អារម្មណនារីបានច្រើន៕ ប្រភព៖ media-kh
0
0
20
20
