ភ្នំពេញ៖ កាលពីវេលាម៉ោង១និង៤០នាទីរសៀល ថ្ងៃទី៩ ខែតុលា ឆ្នាំ២០២១ នេះ ស្ថិតនៅចំនុចផ្លូវបេតុងទួលពង្រ សង្កាត់ចោមចៅទី១ ខណ្ឌពោធិ៍សែនជ័យ មានករណីបុរសម្នាក់ត្រូវបាន ឆ ក់ ចរន្តអគ្គិសនីបណ្តាលឲ្យស្លា ប់ បាត់ បង់ ជីវិត ភ្លាមៗ បន្ទាប់ពីបានឡើងមើលម៉ាស៊ីនបឺតខ្យល់ម៉ាស៊ីនត្រជាក់ដែលលិចទឹកនៅវ៉េរ៉ង់ដាមុខ។
ក្នុងនោះដែរ ក្មួយស្រី ជន រង គ្រោះខាងលេីដែលមានគណនីហ្វេសប៊ុកឈ្មោះ Hout Yayi បានបង្ហោះសាររៀបរាប់ទាំងក្តីក្រៀមក្រំថា«ពូដែលធ្លាប់តែធ្វើអោយបងប្អូននិងក្មួយសើចសប្បាយ ពូចិត្តល្អ ពូដ៏សង្ហារ ពេលនេះពូទៅចោលពួកយើងហើយ បើមានជាតិក្រោយសូមអោយពូអាយុវែង សូមពូទៅអោយបានសុខ Broseth Yann ពួកយើងនឹងចងចាំពូរហូត»។
ទន្ទឹមនឹងដំណឹងដ៏សោកសៅបំផុតនេះ មានប្រិយមិត្ត ក៏ដូចជាមជ្ឈដ្ឋានមហាជនជាច្រេីន បានសម្តែងនូវអារម្មណ៍សោកស្ដាយជាខ្លាំង ព្រមទាំងបានផ្ញើសាររំលែកទុក្ខយ៉ាងក្រៀមក្រំដល់គ្រួសារនៃ ស ព ផងដែរ។ សូមលេីកដៃប្រណំបួងសួងជូនវិញ្ញាណក្ខន្ធបងប្រុសឆាប់បានទៅកាន់សុគតិភពកុំបីឃ្លៀងឃ្លាតឡើយ។
0
0
20
20
