ភ្នំពេញ៖កាលនៅលីវឱក សុគន្ធកញ្ញា ត្រូវបានគេនិយាយថានាងស្លៀកពាក់និងចឬកដូចប្រុស ព្រោះចូលចិត្តតែពាក់ស្បែកជើងប៉ាតា និងមិនសូវចេះបង្ហាញភាពស៊ិចស៊ីដូចតារាស្រីល្បីៗដ៍ទៃទៀតឡើយ។ប៉ុន្ដែក្រោយមានស្វាមីជាង២ឆ្នាំនិងកូនប្រុស១អាយុជិត២ឆ្នាំនេះសុគន្ធកញ្ញា ដែលទើបប្រារពខួបគម្រប់វ័យ៣៤ឆ្នាំកាលពីថ្ងៃទី១៤ខែកញ្ញាឆ្នាំ២០២១ នោះបែជាប្ដូរកាស្លៀកពាក់ហើយនាងថែមទាំងហ៊ានបញ្ចេញរូបភាព
ស៊ិចស៊ីក្នុងអាងទឹកស្លៀកឈុតប៊ីគីនីបញ្ចេញសាច់គល់ភ្លៅឡើងសខ្ចី ខណៈដែលមានពេលខ្លះនាងក៍លេងឈុតលេចសម្រស់ដើមទ្រួងគូរឲ្យគយគន់ផងដែរ។យ៉ាងណាStyleនៃការស្លៀកពាក់របស់ឱក សុគន្ធកញ្ញា នោះធ្វើឲ្យរូបសម្រស់របស់នាងកាន់តែមានភាពទាក់ទាញថែមទៀតហើយនោះជាការវិវត្តន៍ដ៍ល្អមួយព្រោះអ្នកសិល្បៈមិនអាចស្លៀកឈុតសាមញគ្រប់ពេលវេលាឡើយ។
ឱក សុគន្ធកញ្ញា បានទទួលសារជាច្រើនពីសំណាក់Fanរបស់នាងដែលជូនពរឲ្យប្អូនថ្លៃថៅកែហង្សមាសរូបនេះកាន់តែមានរូបសម្រស់ស្រស់ស្អាតនិងល្បីល្បាញថែមទៀត ខណៈដែលស្វាមីនាងលោកសុខលី បានសំណូមពរឲ្យសុគន្ធកញ្ញា ដែលលោកតែងតែហៅថាជាឧត្តមភរិយាៗនោះសូមឲ្យស្រលាញ់លោកកាន់តែខ្លាំងជាងនេះ។
នៅថ្ងៃខួបឆ្នាំនេះដែរគេឃើញសុគន្ធកញ្ញា បណ្ដើរប្ដីនិងដឹកដៃកូនប្រុសដើរកម្សាន្ដតាមមាត់ស្ទឹងមួយចំនួនយ៉ាងមានក្ដីសុខបំផុត ខណៈដែលឆ្នាំនេះនាងមិនអាចធ្វើខួបធំឬមានFanទៅជួបជុំនាងដោយផ្ទាល់នៅផ្ទះនោះទេព្រោះតែកូវីដមិនទាន់ស្ងាត់។តែគេកត់សម្គាល់ថាក្រោយសុគន្ធកញ្ញា បង្កើតបានកូនប្រុស១មកនាងត្រូវបានស្វាមីបង្ហាញក្ដីស្រលាំញ់កាន់តែខ្លាំងលើសផ្ដើមស្នេហ៍ដំបូងហើយមានតារាសិល្បៈជាច្រើនចង់បានខ្សែរជីវិតដូចរូបនាងដែរនោះគឺជោគជ័យទាំងអាជីពសិល្បៈ
និងស្នេហាព្រមគ្នាតែម្ដង ហើយអ្វីដែលគូរឲ្យកត់សម្គាល់នោះគឺប្ដីសុគន្ធកញ្ញា លោកសុខលី ដែលធ្លាប់តែលេចឭថាលោកមានតារាស្រីស្អាតៗជាច្រើនតោងស្នេហ៍នោះពេលនេះលោកស្រលាញ់តែភរិយារបស់លោកតែម្នាក់គត់ដែលទង្វើរបែបនេះសមដូចបំណងសុគន្ធកញ្ញា ដែលប្រាថ្នានៅថ្ងៃខួបស្វាមីនាងកាលពីថ្ងៃទី១២ខែកញ្ញា នោះថានាងសូមឲ្យលោកសុខលី ស្រលាញ់តែរូបនាងម្នាក់គត់ជារៀងរហូត។
ក្រៅពីឱក សុគន្ធកញ្ញា តារាស្រីឈានមុខគេដែលប្ដូរការស្លៀកពាក់និងលេងខ្លួននៅឆ្នាំ២០២១នេះមានដូចជាមាស សុខសោភា ក៍ចាប់ផ្ដើមហ៊ានបញ្ចេញសម្រស់គល់ភ្លៅនិងដើមទ្រួងផងដែរក្រោយនាងឡើងធ្វើជាថៅកែស្រី ខណៈដែលពេជ្រ សោភា វិញនៅរយៈពេលចុងក្រោយនេះនាងចាប់ផ្ដើមលេងខ្លួនប្លែកដូចជាស្លៀកឈុតបញ្ចេញរន្ធផ្ចិត និងបង្អួតសាច់ភ្លៅឡើងសខ្ចីតែម្ដង ស្របពេលដែលតារាចម្រៀងស្រគត់ស្រគុំសុគន្ធ
និសា នៅរក្សារស្ទីលចាស់ដដែលនោះគឺមិនហ៊ានលេងខ្លួនស៊ិចស៊ីដូចគេឡើយគឺស្លៀកពាក់បិតជិតៗគ្រប់ពេលតែម្ដង។ចំពោះសុគន្ធកញ្ញា នាងអាចឈជើងនៅហង្សមាសក្លាយជាតារាដែលឈានមុខគេ១០ឆ្នាំមកនេះដោយសារតែមានស្វាមីនាងនៅក្រោយខ្នងជានិច្ច ទាំងការផលិតបទចម្រៀង រួមទាំងផ្ដល់ការគាំទ្រចំពោះការតុបតែងខ្លួនរបស់នាងផងដែរ។អ្វីដែលគេរំពឹងថាសុគន្ធកញ្ញា អាចវាយលុកទីផ្សារចម្រៀងសារជាថ្មីឡើងវិញបាន
គឺមុនពេលធ្វើខួបកំណើតនេះដែរនាងបានសម្រកគីឡូពីឡើងទម្ងន់ជ្រុលបន្ដិចនោះមកជាស្វែលស្ទើដូចកាលនាងមុនមានប្ដីនិងកូនដែលនេះជាកត្តាអំណោយផលធំបំផុតសម្រាប់រូបនាងក្នុងការស្ដារមុខមាត់ឡើងវិញព្រោះរយៈពេលជាង២ឆ្នាំនេះនាងមិនមានបទចម្រៀងផ្ទុះដូចមុននោះទេ ហេតុនេះហើយគេជឿរថាពេលស្ងាត់កូវីដខាងមុខនេះតារាកូន១នឹងចេញវាយលុកទីផ្សារចម្រៀងសារជាថ្មីមិនខាន។
ឱក សុគន្ធកញ្ញា បានដឹកដៃលោកអ៊ឹង សុខលី រៀបការកាលពីថ្ងៃទី១៦ខែឧសភាឆ្នាំ២០១៩ និងសម្រាលកូនប្រុសថ្ងៃទី១១ខែវិច្ឆិការឆ្នាំ២០១៩ ដោយដាក់ឈ្មោះថាអ៊ឹង បញ្ញាបុត្រ ហៅCharlie។នាងជាតារាដែលមានកូន១នៅឆ្នាំ២០២១នេះដូចគ្នាទៅនិងសួស វីសា ,ពេជ្រ សូលីកា ,ឌុច លីដា ,នៅ សុនិតា ,នីរ័ត្ននិងផាត់ ផាន់ណា ជាដើម។គេចាំបានថានៅថ្ងៃរៀបការសុគន្ធកញ្ញា ត្រូវបាននាយក្រឹម ឲ្យយោបល់នាងថាយកកូនភ្លោះដូចនាយតែម្ដងទៅមិនពិបាកបង្កើតច្រើនដង តែសុគន្ធកញ្ញា តបទៅលោកអ៊ូ ប៊ុណ្ណារ៉ាត់ វិញថានាងចង់បានភ្លោះ៣ ដែលមានន័យថាក្រោយទទួលបានកូន១នេះសុគន្ធកញ្ញា នឹងតាមយកកូន២ថែមទៀតជាមិនខានដើម្បីឲ្យចំណងស្នេហានាងកាន់តែរឹងមាំ៕
0
0
20
20
