តារា កម្សាន្ត៖ បើនិយាយពីតារាសម្ដែង និង ចម្រៀងក្នុងទសវត្ស ៨០-៩០ និង ដើមឆ្នាំ ២០០០ នោះ មហាជនសុទ្ធតែបានស្គាល់រួចមកហើយតារាសម្ដែងរូបសង្ហាលោក ចាន់ រិទ្ធមេធានី និង តារាចម្រៀងយ៉េៗ អ្នកនាង អ៊ុំ គន្ធា
ដែលអ្នកទាំងពីរសុទ្ធសឹងជាតារាក្នុងដួងចិត្តប្រជាជនខ្មែរគ្រប់រូប ជាពិសេសរូបសម្រស់ និង ទេព្យកោសល្យដ៏ល្អឯករបស់អ្នកទាំងពីរ រហូតធ្វើឱ្យតារាទាំងពីរដួងនេះមានឈ្មោះបោះសំឡេងតាំងពីពេលនោះមក ។
ដោយឡែក បើងាកមកមើលបច្ចុប្បន្នភាព និង រូបសម្រស់របស់តារាសម្ដែង និង ចម្រៀងទាំងពីរដួងខាងលើវិញ មហាជនម្នាក់ៗស្ទើរតែមិនជឿខណៈដែលពួកគាត់បានធ្លាក់មកដល់ចំណុចនេះ ដោយហេតុថាអ្នកទាំងពីរធ្លាប់តែជាតារាល្បីមានឈ្មោះបោះសំឡេងមានរូបសម្បត្តិល្អល្អះ
បែរជាឥលូវមកមានជំងឺប្រចាំកាយ ខ្វះមុខខ្វះក្រោយ ។ ជាក់ស្ដែងនាពេលថ្មីៗ កន្លងទៅនេះ អ្នកទាំងពីរក៏បានទទួលអំណោយឧបត្ថម្ភពីសមាគមមិត្តស្ម័គ្រចិត្តជួយសង្គម ដើម្បីដោះស្រាយក្នុងជីវភាព ទាំងរូបភាពគួរឱ្យអាណិតបំផុត ។
គួរជម្រាបផងដែរថា សម្រាប់តារាសម្ដែងលោក ចាន់ រិទ្ធមេធានី បច្ចុប្បន្នជាអ្នករត់កង់បី ថែមទាំងមានជំងឺទឹកនោមផ្អែម និង លើសឈាមប្រចាំកាយ រីឯអ្នកនាង អ៊ុំ គន្ធា វិញមានជំងឺសង្គមដោយពុំអាចចេញច្រៀង និង សម្ដែងបានដូចមុននោះទេ ៕
0
0
20
20
