កណ្តាល ÷ តាមការបញ្ជាក់ពីកម្លាំងជំនាញ នៃអធិការដ្ឋាននគរបាលស្រុកល្វាឯម កាលពីរសៀលថ្ងៃទី១០ខែសីហា ឆ្នាំ២០២១នេះ បានឲ្យដឹងថា នៅអំឡុងខែមីនា ឆ្នាំ២០២១ វេលាម៉ោង៩និង០០នាទី ចំណុចក្រោមស្ពានម្ដុំអ្នកតា
ក្បាល ប្រាំបីភូមិព្រែកឫស្សី ឃុំព្រែកឬស្សី ស្រុកល្វាឯម ខេត្តកណ្តាល បុរសវ័យ៥៩ឆ្នាំម្នាក់ ល្បួងយុវតីវ័យ១៣ឆ្នាំ រំលោភបានសម្រេច រហូតដល់ទៅ៥ដង។
យុវតីរងគ្រោះមាន ឈ្មោះល គ ឡ អាយុ១៣ឆ្នាំ (ក្នុងពេលកើតហេតុ) ជនជាតិខ្មែរ មុខរបរកសិករ។ ចំណែកជនសង្ស័យមានឈ្មោះទឹម ទូច អាយុ ៥៩ឆ្នាំ ជនជាតិ ខ្មែរ មុខរបរ កសិករ ទីលំនៅ ភូមិព្រែកឫស្សី ឃុំព្រែកឫស្សី ស្រុកល្វាឯម ខេត្តកណ្តាល (ឃាត់ខ្លួន)។
អធិការដ្ឋាននគរបាលស្រុកល្វាឯម បានបញ្ជាក់ពីដំណើររឿងហេតុថា នៅក្នុងអំឡុងខែមីនាឆ្នាំ២០២១ វេលាម៉ោង៩ និង០០ នាទី ឈ្មោះល គ ឡ បានយកគោទៅចងឲ្យស៊ីស្មៅ នៅម្ដុំព្រែកអ្នកតាក្បាលប្រាំបី ក្នុងពេលនោះ
ឈ្មោះល គ ឡ បានទៅប្រាប់ឈ្មោះឡុក ឡន ដែលកំពុងលើកស្រូវ នៅក្នុងស្រែក្បែរម្ដុំនោះដែរថា ឈ្មោះទឹម ទូច បានចាប់ផ្ដួលខ្លួនគេ ទៅលើពំនូកបាវស្រូវ ជាប់ផ្លូវរួចស្ទាបច្របាច់ដោះលូកស្ទាប (ប្រដាប់ភេទ) ហើយ
ប្រាប់ថា កុំឲ្យប្រាប់អ្នកណាដោយ ឈ្មោះទឹម ទូច សន្យាថាឱ្យលុយ ៣ម៉ឺនរៀល និងទូរស័ព្ទដៃមួយគ្រឿង នៅពេលដែលឈ្មោះទឹម ទូច លក់គោរបស់គាត់ដាច់ ។
ពេលនោះឈ្មោះឡុក ឡន បានសម្លឹងមើលទៅពំនូកបាវស្រូវ ឃើញឈ្មោះទឹម ទូច ឈរនៅទីនោះ ។ ប្រហែលជា ១០ ថ្ងៃក្រោយមក នៅវេលាម៉ោង១៤និង០០នាទី ឈ្មោះឡុក ឡននិងឈ្មោះខឹម សារិទ្ធ កំពុងអង្គុយ
និយាយគ្នា នៅក្នុងសាលារៀនព្រែកឫស្សី ឈ្មោះលឹម គឹមឡាងបានមកនិយាយប្រាប់ម្តងទៀតថា ឈ្មោះទឹម ទូច បានលួងលោម និងបបួលខ្លួនគេឈ្មោះល គ ឡ ឱ្យលក់ខ្លួនឱ្យឈ្មោះទឹម ទូច ។ ដោយឈ្មោះលឹម គឹម
ឡាងបញ្ជាក់ថា ឲ្យតែរៀងរាល់នៅពេលខ្លួនគេ ទៅឃ្វាលគោ នៅម្ដុំអ្នកតាក្បាលប្រាំបី ក្រោយមកទៀតឈ្មោះល គ ឡ បាននិយាយប្រាប់ឈ្មោះឡុក ឡន បន្តបន្ទាប់ចំនួនពីរលើកទៀតបញ្ជាក់ថា ឈ្មោះទឹម ទូចបានធ្វើបាបតាមចាប់ខ្លួនគេ ឈ្មោះល គ ឡនេះ រហូតនៅពេលដែលទៅឃ្វាលគោម្ដងៗ តែឈ្មោះ ឡុក ឡន មិនទាន់បានទៅប្រាប់ឪពុកម្ដាយឈ្មោះល គ ឡទេ។
លុះនៅថ្ងៃទី០៣ ខែមិថុនា ឆ្នាំ ២០២១ វេលាម៉ោង ១១ និង ០០ នាទី ឈ្មោះយី លីម បានទៅតាមហៅកូនឈ្មោះល គ ឡ នៅម្ដុំអ្នកតាក្បាលប្រាំបី ហើយឃើញកូនអង្គុយលើអង្រឹង ក្បែរអ្នកតាក្បាលប្រាំបីនោះ ហើយឈ្មោះ យី លឹម បានហៅកូនត្រឡប់មកផ្ទះវិញ ពេលមកដល់ផ្ទះឈ្មោះល គ ឡ បានប្រាប់ឪពុកម្ដាយថា ពេលគេអង្គុយនៅលើអង្រឹង ក្បែរខ្ទមអ្នកតាក្បាល
ប្រាំបីនោះ ឈ្មោះទឹម ទូចនៅទីនោះដែរ ហើយលួងលោមចង់រួមភេទ ជាមួយខ្លួនគេ ដោយសន្យាឲ្យលុយ ៣ម៉ឺនរៀល និងទិញទូរស័ព្ទឲ្យមួយគ្រឿង ឈ្មោះលឹម គឹមឡាង បន្តរៀបរាប់អំពីសកម្មភាពឈ្មោះទឹម ទូច ធ្វើមកលើខ្លួនគេឈ្មោះល គ ឡ រយៈពេលកន្លងមក ដោយបានចាប់រំលោភរួមភេទ ជាមួយគេបានសម្រេចចំនួន ៥ដងហើយ ។
ចំពោះការសាកសួរឈ្មោះ ទឹម ទូច ឆ្លើយថា មិនបានប្រព្រឹត្តសកម្មភាព អ្វីទៅលើឈ្មោះល គ ឡទេ គ្រាន់តែធ្លាប់ដេញឈ្មោះលឹម គឹមឡាង មិនឲ្យយកគោមកចងក្បែរស្រូវរបស់គាត់ប៉ុណ្ណោះ ។
បច្ចុប្បន្នជនសង្ស័យ ត្រូវបាននាំយកមកដល់ អធិការដ្ឋាននគរបាលស្រុកល្វាឯម ដើម្បីសាកសួរបន្តចាត់ការតាមនីតិវិធី ៕
0
0
20
20
