ប្រិយមិត្តមួយចំនួន ទំនងជាជ្រាបរួចមកហើយថា តារាសម្ដែង មានឈ្មោះពិត ហាស់ វីរ៉ាស្រីរ័ត្ន ហៅ រ៉ូស ដែលធ្លាប់តែអះអាងថា ខ្លួនស្អាតពីធម្មជាតិនោះ បានសម្រេចចិត្តកែសម្ផស្សរបស់ខ្លួនកាលពីអំឡុងចុងឆ្នាំ២០២០ ធ្វើឲ្យអ្នកគាំទ្រមួយចំនួន ចាប់អារម្មណ៍ជាខ្លាំង។
នៅពេលនោះ រ៉ូស បានកែសម្ផស្ស ត្រង់ត្របកភ្នែក ច្រមុះ តចង្កា ផងដែរ ហើយត្រូវបាន អ្នកគាំទ្រលើកឡើងបែបលេងសើចថា «កែចុះឡើងប្រយ័ត្នខុស ច្រមុះមុខមាត់មិនមែនចេះតែកែទេ ខ្លាចខុសហុងស៊ុយ,មុខគាត់ដូចតុក្កតាជប៉ុន, ខឹងចិត្តវ៉ាន់ដាថាមុខដូចចេកខ្ចី ក៏ទៅកែអោយដូចចេកទុំវិញ»។
ការកែកុនរួចនៅពេលនោះ ឃើញថា រ៉ូស ស្អាតប្លែកមួយកម្រិតទៅហើយ។ ប៉ុន្តែថ្មីៗនេះ ស្រាប់តែរ៉ូស សម្រេចចិត្តកែកុនម្ដងទៀតទៅលើផ្នែកចម្រុះ មើលទៅឡើងស្រួច ហើយកាន់តែស្អាតប្លែកជាងមុនទៅទៀត។ តែអ្នកគាំទ្រមួយចំនួន យល់ថា មិនស្អាត ហើយក៏ បញ្ចេញមតិដៀមដាមព្រោងព្រាត។
ជាក់ស្ដែង ទំព័រហ្វេសប៊ុកឈ្មោះ «Feline Beauty&Spa» បានបង្ហោះវីដេអូ រ៉ូស កែកុនចម្រុះនៅថ្ងៃទី៣ ខែសីហា ឆ្នាំ២០២១នេះ អមដោយសារបញ្ជាក់ថា «ច្រមុះបាន15ថ្ងៃ ភ្នែកបាន13ថ្ងៃ តិចលង់ណាបងប្អូន តិចមើលអត់ស្គាល់អូន ណា កែហើយស្អាតដូចឥណ្ឌា»។
ដោយឃើញបែបនេះ មតិមួយចំនួន បានដៀមដាម ដូច្នេះថា «មើលទៅគួរអោយខ្លាចម៉េចទេ, អត់ទើសទេ តែយាយការពិតអត់ស្អាតសោះ អត់ដឹងមើលកន្លែងណាអោយឃើញស្អាត, ច្រមុះស្អាតហើយតែភ្នែកគួរអោយខ្លាច អត់បានរិះគន់ទេនិយាយមែន, ច្រមុះស្អាតហើយ ប៉ុន្តែភ្នែកដូចក្ដាម, មែនតើបងដូចមិនសូវជាស្អាតទេ និយាយត្រង់, រកអ្នកស្អាតមកផុសទៅបងផុសរូបហ្នឹងគួរអោយខ្លាចណាស់»។
ដោយឃើញមានការបញ្ចេញមតិបែបនេះ ទំព័រហ្វេសប៊ុកខាងលើ បានបង្ហោះសារថា «ធុញណាស់បងប្អូនទាំងអស់គ្នាអើយ អោយតែផុសរូបរ៉ូសដឹងតែម្នាក់ៗចូលមើលងាយដៀមដាមគាត់រហូត ហើយគាត់មិនដែលតបតសោះ នៅមានបុគ្គលិកគ្លីនិកមួយចំនួនចូលមកឆ្លៀតឱកាសជិះជាន់ខាងខ្ញុំដើម្បីផលប្រយោជន៍ផ្ទាល់ខ្លួនទៀត។
ពិតជាអាណិតណាស់ ហេតុតែខាងពួកគាត់អត់ភ្ញៀវ អ្វីក៏ពួកគាត់ធ្វើបានដែរ។ កម្មពៀរមានពិតណាប្អូនៗ កុំដោយសារតែចង់អូសទាញភ្ញៀវខាងគេធ្វើអោយបាត់បង់តម្លៃជាមនុស្សរបស់ខ្លួនឯង!»៕ សូមទស្សនាវីដេអូខាងក្រោម ៖
0
0
20
20
